Capilé en La vie est Belle.
25/05/11. Sonia Rubiera, autora del blogue La vie est belle tevo’l gran detalle de mencionamos nel so importante blogue de moda. Ye ún de los más interesantes y lleíos del sector en tol Estáu. Nél analiza toles tendencies del momentu. Puen visitalu en: |
  |
Otru Hotel onde saborguiar los nuestros productos.
13/05/11. L’Hotel Casona de Tresali tien esi nome por una de les variedaes más representatives de cuantes se pañen na so pumarada, formada por mazanales de denominación: Tresali. Espurra la mano y va poder garrar una; torne la vista y va poder ver la mar; aguce l’olfatu y va goler a verde, a herba, a salitre. Una combinación ente agospiu y naturaleza, ente modernidá y tradición. L’hotel ta allugáu n’Argüeru (Villaviciosa), a 7 kilómetros de sitios emblemáticos, como’l puertu de Tazones o la Reserva Natural de La Ría de Villaviciosa. Puen vese pisaes de dinosaurios a 4 km, nel paraxe natural de La Playa Merón. El monesteriu de Valdediós a 15 km, Xixón a 20 minutos, y a poco más Uviéu. A un pasu de l’autovía del Cantábricu. Capilé Catering ofrez-yos la posibilidá de celebrar nes sos instalaciones el casoriu, la comunión, el bautizu, reuniones familiares o d’empresa y cualquier tipu d’eventu.
|
  |
Presentación del Llibru d'espedición nel Llagu Baikal.
06/05/11. El nuestru amigu Juan Menéndez Granados, especialista n’espediciones estremes en bicicleta y en solitario, espublizó un llibru, “Baikal”, onde mos cuenta una de les sos aventures últimes sobre’l xelu de Siberia. Podéis siguir les sos aventures en www.juanmenendezgranados.com ¡¡Recomendámosvoslo!! |
  |
Conciertu de David Bisbal.
01/05/11. Ayeri tuviemos el placer de poder ofrecer los nuestros servicios de catering al artista David Bisbal y tol so equipu. Acudió al Auditoriu Príncipe d’Asturies, d’Uviéu, pa interpretar un conciertu acústicu con gran afluyencia de públicu. El 26 de mayu qu’entra vamos tener la oportunidá de volver a velu nel Teatru Xovellanos, de Xixón. |
  |
Manolo Blanhnik for TOUS.
02/04/11. Una vez más la familia encargada de representar les xoyeríes de TOUS n’Asturies, cuntó con Capilé pa la presentación esclusiva de la colección de xoyes que Manolo Blahnik diseñó pa esta firma. A la tienda de Xixón escoyéronla, xunto con once establecimientos más de tol Estáu, pa llucir nel escaparate estos zapatos orixinales “Manolos”, nesta ocasión como espectacular colgante. L’actu tevo caracterizáu al puru estilu neoyorquín, con bebida, productos y música de Nueva York. |
  |
COFEDAS presenta’l catálogu de primavera con Capilé.
20/03/11. Ayeri, na cooperativa ferretera COFEDAS, nel Polígonu d’Asipo (Llanera), participemos na organización de la muestra y demostración de les máquines, ferramienta y materiales de xardinería nuevos d’esta temporada. Acudieron socios y veceros que, mui atentos, pudieron comprobar toles novedaes y esplicaciones de les distintes firmes espositores. |
 |
Primer desafíu de los Callos.
03/03/11. Esti martes pasáu entamemos un concursu ente varios cocineros d’Asturies. L’actu taba centráu na ellaboración y posterior preba de distintes preparaciones de callos de vaca con receta antigua. Na semeya, col troféu: Lolo, del restorán Torres (Felechosa); Víctor Ramón, de Bellavista; Nacho, de Ciudadela; y Moisés Machargo, de Capilé Catering. |
  |
Capilé cumple 5 años.
20/01/11. Talu día como güei, nel añu 2006, entamábemos la nuestra andadura nesti proyectu. Nun resultó fácil y foron munches les persones que collaboraron pa facer posible lo que güei ye y significa Capilé. Munches gracies a tolos nuestros proveedores, collaboradores, socios, veceros, amigos, collacios de profesión… y sobre too al equipu Capilé pola so entrega, los 365 díes del añu, pa llograr el nuestru oxetivu de la meyor manera posible, que ye trabayando ensin fuelgu y col mesmu enfotu del primer día. Esa fuercia llévamos a nun mos quedar equí y pue qu’a lo llargo d’esti añu vos vayamos cuntando noticies nueves d’esti camín que garremos y queremos siguir compartiendo con toos vós. |
   |
La nuestra primer boda del 2011
10/01/11. Tenemos qu’empecipiar esti añu con munches ganes de trabayar. Esta fin de selmana tuviemos el primer casoriu, ente’l periodista xixonés Luis Melgar y la tamién periodista uruguaya, Federica Narancio. L’hotel La Ermita de Deva, en Xixón, foi’l marcu escoyíu por la pareya pa esfrutar d’un día prestosu con tola xente que convidaron. |
  |
¡Feliz añu nuevu a toos!
Dende Capilé queremos agradecevos l’enfotu que punxistis en nós nel 2010, y aguardamos que pal añu qu’entra s’afite tovía más. ¡Gracies! |
 |