Creemos Capilé nel añu 2006, faciendo realidá’l proyeutu d’un grupu de xóvenes titulaos n’Hostelería y Turismu. Contábemos con abonda esperiencia profesional n’otres empreses del sector, y lo más importante: el bon facer y el cariñu que dedicábemos al nuestru negociu familiar durante más de 30 años.

Somos especialistes en grandes actos sociales. La organización d’eventos complexos y multitudinarios precisa’l control esixente de los detalles. Cada ingrediente, la forma d’ellaboración, la confección del menú o l’atención de los comensales supervísense p’asegurar que cada celebración o reunión sìa perfeuta.

Personalizamos la nuestra ufierta según les necesidaes de cada cliente: ya sía una gran celebración, un eventu empresarial, una boda o incluso una cena familiar. La nuestra estructura loxística y el cuidáu de les materies primes permítenmos, amás, llevar el nuestru serviciu a cualquier parte del Estáu español.

Disponemos d’una nave amplia allugada xeográficamente nel centru d’Asturies que, ente’l so equipamientu completu, inclúi una cocina central de cuasi 500 metros cuadraos, onde ellaboramos diariamente los productos pal nuestru serviciu de catering.

Cumplimos coles normes de calidá pa la ellaboración de productos alimenticios APPCC y, lo mesmo que les grandes y prestixoses marques del mercáu, tenemos un númberu propiu de rexistru sanitariu: 2609150/O. Amás, tol nuestru personal ta formao en manipulación d’alimentos.

Gústamos conocer de forma cercana la trazabilidá que percuerre’l productu que sirvimos a cada cliente. Interésamos saber siempre ónde y cómo se producen tolos alimentos qu’ellaboramos y presentamos: l’orixe natural, la calidá y los atributos de los ingredientes.